Rejoice! fiert Fastelovend met Corona dijital un Üsch.
Koot för Wieverfastelovend
wor Fastelovendssitzung am Metwochovend.
Hötsche op dä Kopp, Kölsch en d’r Hangk
kumme de Sänger*Inne pünklisch öm 6 Oor anjerannt.
Joode Laune un ene Wetz
do wor de Sitzung jeretz.
Et wood jesunge un verzäll
un datt alles oone Jeld.Dä „Host“ vun d’r Sitzung dijital,
mät emmer de Tusch, dat wor jenijal.
Max un Moritz, de Schlawiner, verzällten en d’r Bütt
wie et met jutjläubije Verbraucher hückzedachs kütt.
Wä de Vernunf us däm Ooch verliert,
weed von Schlawinern rabiat balbiert.
Ene Chorsänger klachte sin Leid,
wie et ihm in Corona-Zeit erjeit.
En neue Sproch mer liere muss,
söns hät mer mit däm Computer Verdruss.
Och, wat wor dat fröher jenijal!
Statt jetz alleen ze singe dijital.
Se freute sich och all, wann mer zor Prob koom
un Brijitte de Stemmübunge vörnohm.
Wat wor et schön, met däm Nohber e Verzällsche halde,
wenn de angere Stemme erschallte.
Ävver dat Joode am Dijitale es,
dat mer bequem un jesund ze Hus setz.
Mer kann senge, wie en d’r Badewann.
De falsche Tön jonn keene jät aan.
Esu hammer am Metwoch us voller Kehl jesunge.
Am Flögel Brijitte und dä Jupp am Keyboard han joot jeklunge.
Rejoice! steht zesamme wie eene Jott un Pott.
Mer hoffe, dat dä Virus es baal fott!
A dreimol kräftiges Rejoice! Alaaf un Helau!
Bösch! Bösch!
för de Stroberger unger üsch.
Die „Chorsängerin“ Roswitha SE